Unibertsitateko langile klasearen defentsarako sortutako eragilea gara
Gizarteko beste hainbat esparrutan bezala, unibertsitateko langileok (ikasle, ikerlari, irakasle, garbitzaile, etab.) egunero pairatzen dugun zapalkuntza hobetze aldera sortu ginen duela 2 urte. Fakultate desberdinetako asanbladek hauen jardunak independenteki burutzean aurkitzen zituzten oztopoak ikusita, denon batasunez gure interesak defendatzeko indar handiagoa izango genuelako ideiarekin sortu ginen.​

Gure jarduna

Geroztik borroka desberdinak eraman ditugu aurrera. Hauen adibide dira 12.2 artikulua aldatzearen, arte ederretako materialen gastuak murriztearen, odontologiako baldintzak hobetzearren edota garbitzaileen borrokaren alde eginikoak.
Apunte bankua eta ikasle babes sarea berrogeialdian sortu ziren, ohikoa baino hezkuntza baldintza negargarriagoekin topatu ginelako. Ikasle langileen arteko lehiakortasunaren aurkako eta elkartasunean oinarrituriko apunte banku honen bidez, gure baldintzak hobetzearen aldeko apustua egiten dugu.

Hala ere, gradu eta maila askotako apunteak falta dira. Hortaz, apunteak, azterketa eredu, lan edo bestelako ikas baliabiderik baduzu, jarri zaitez gurekin kontaktuan!

Indarrak batuz gaitasunak biderkatu!
Gehiago jakin nahi baduzu sartu gure sare sozialetan!
@uib_nazionala
@UIBnazionala